Napiling Mamuno Sa Lupong Magpapasya Ukol Sa Hinihiling Ng Mag-Aaral?
Napiling mamuno sa lupong magpapasya ukol sa hinihiling ng mag-aaral?
El Filibusterismo
Kabanata 20: Don Custodio
Ang napiling mamuno sa lupong magpasya ukol sa hinihiling ng mga mag aaral ay si Don Custodio. Ang mga naging basehan sa pagtatalaga sa kanya ay una, siya ay pinaniniwalaan ang lahat pati na ang kanyang mga sinasabi sa kabila ng katotohanan na hindi siya nakapag - aral. Sinamantala niya ang pagiging paniwalain ng mga Pilipino sapagkat napakadaling makumbinsi ng mga Pilipino sa ilang usapin lalo pa nga kung marami ang sumusulsol o nagbibigay ng kanilang saloobin ukol dito. Tulad na lamang ng pagbibigay sa kanya ng basbas na magdesisyon ukol sa pagtatayo ng akademya ng wikang kastila. Siya na kilala bilang si Buena Tinta ay nakuha ang lahat ng bagay na meron siya dahil sa taglay na kasipagan. Sa kagustuhan na ibangon ang sarili, nagtungo sa Espanya upang sa kanyang pagbalik sa Pilipinas ay meron siyang ipagmalaki. Kaya naman sinamantala niya ang pagiging paniwalain ng mga Pilipino matapos niyang makumbinsi ang mga ito na siya ay kunwaring nakapag aral sa Madrid. Nagkunwari siya na siya ay isang tagapagtanggol habang iniisip na ang ilan sa mga Pilipino ay ipinanganak upang maging utusan. Bagay na hindi kanais nais sa kanyang pag uugali. Ang pananamantala niya sa pagiging paniwalain ng mga Pilipino ay hindi kanais nais sapagkat siya ay isa ring Pilipino na gaya nila na nakarating lamang sa ibang bansa.
Read more on
Comments
Post a Comment